Dianan 20 i 21 di aprel 2012 tabata e dianan riba kua a tene e Festival Internashonal di Literatura Krusa Laman 2012 - Writers Unlimited Curacao. E festival tabata konsistí di dos dia. Riba e promé dia a tene e Debate Literario na Teatro Luna Blou kaminda algun outor a debatí ku otro i riba e di dos dia a tene e Nochi Literario na Villa Maria. Esaki tabata un anochi mashá interesante kaminda diferente outor a lesa òf presentá parti di nan obra riba podio. Tabata un anochi kargá ku kuenta, poema i kantika.

E outornan partisipante tabata di Bélgika e eskritor David van Reybrouck, di Kòrsou e poeta Lucille Berry-Haseth, di Zimbabwe e eskritor Petina Gappah, di Nigeria e eskritor Helon Habila, di Kòrsou e eskritor i poeta Cathleen Giterson i di Hulanda e poeta Rodaan Al Galidi desendiente di Irak. Tambe tabatin kontamentu di kuenta pa Guineta de Palm i bunita presentashon di grupo Serenada. E anochi akí a duna homenahe tambe na e konosido eskritor dr.Frank Martinus Arion.

Maestronan di seremonia tabata Merietza Haakmat & Favell Maduro.

Kada outor a presentá den nan propio idioma. Riba pantaya grandi un i tur por a sigui e tradukshonnan na ingles i papiamentu.

 

 

NA KONTINUASHON POR MIRA ALGUN POTRÈT DI E FESTIVAL I DI PRESENTASHON DI CATHLEEN GITERSON DURANTE FESTIVAL INTERNASHONAL DI LITERATURA KRUSA LAMAN 2012 - WRITERS UNLIMITED CURACAO.

wpf9c31f2a_06.png

Presentashon riba podio di Cathleen Giterson. Un di e outornan invitá durante e Festival Internashonal di Literatura Krusa Laman 2012 - Writers Unlimited Curacao.

VOLG MIJ

  • Facebook Social Icon
  • YouTube Social  Icon