Presentashon di ARKO IRIS. Kantika pa mucha. Volúmen 2

ARKO IRIS .

Kantika pa mucha.

Volúmen 2

 

Tanchi Cathy (Cathleen Giterson) a presentá  su di dos cd pa mucha titulá: ARKO IRIS. Kantika pa mucha. Volúmen  2. Tanchi Cathy, konosí serka nos chikitinnan pa su obranan Arko Iris. 101 rima pa mucha (buki) i Arko Iris. 11 kantika pa mucha (cd),  a kaba di lansa riba merkado su di dos cd ku kantika pa mucha, den e seri di ARKO IRIS, ku ta  eduká i

stimulá nos muchanan i na mes momentu ta laga nan dibertí nan mes na un manera masha simpel. ARKO IRIS. Kantika pa mucha. Volúmen 2 ta un bunita cd alegre, rítmiko i mashá chistoso pa tur nos muchanan. Manera nos chikitinnan a kustumbrá kaba di Tanchi Cathy, esaki tambe ta un cd bastante rítmiko i bailabel. Areglo di e cd tabata na enkargo di Jerrel Paula. E cd tin 9 kantika ku tin elemento di diferente tipo di músika aden, manera: tumba, tambú, samba, salsa, reggae, muzik di zumbi, rock, beat i ritmo kombiná. Tambe tin diferente zonido prèt aden pa nos muchanan. E piesanan riba e cd akí ta tresé dilanti di tal manera ku e muchanan lo kapta e mensahe mashá bon mes miéntras nan ta bula, baila, hari, spanta, grita i gosa.Nan lo keda move sinfin.  E cd ta kosta solamente NAf 25,00. Pa pedido por yama 888-0874 (despues di 17:00 or) òf manda un mail na cgiterson@yahoo.com òf djispi@djisunpensamentu.com pa risibí e cd te na kas. ARKO IRIS. Kantika pa mucha. Volúmen 2 ta un dushi cd ku no por falta den niun kas kaminda tin mucha.

wpf9c31f2a_06.png

VOLG MIJ

  • Facebook Social Icon
  • YouTube Social  Icon